TAARIFA RASMI JUU YA KUANGUKA KWA NDEGE DAR


 Mamlaka ya Viwanja vya Ndege Tanzania (TAA) imetolea ufafanuzi zoezi la utayari walilolifanya na kuonesha kuwa ndege ilianguka katika Uwanja wa Ndege wa Julius Nyerere jijini Dar es Salaam. 


Taarifa yao waliyoandika katika ukurasa lao rasmi wa Instagram mara baada ya kutokea kwa taharuki hiyo imesomeka hivi:


Taharuki imetokea leo katika kiwanja cha ndege cha Kimataifa cha Julius Nyerere kutokana na kusambaa kwa taarifa za kutokea kwa ajali ya ndege aina ya Boeing 787-9 iliyokuwa ikitokea Lanseria Afrika ya Kusini majira ya saa 1.55 asubuhi ikiwa na abiria 139 pamoja na wahudumu wa ndege.


Katika ajali hiyo kulikuwa na majeruhi na abiria waliofariki 9 ikiwa taarifa za ajali hiyo iliyotokana na shambulio la ndege hai lililopelekea hitilafu katika injini na kusababisha kuanguka kwa ndege kuwaka moto. 


Maofisa kutoka vyombo mbalimbali vya dola wakiwemo Jeshi la Polisi, Jeshi la Wananchi, Uhamiaji, Zimamoto na Uokoaji, taasisi za Serikali zikiwemo Hospitali, Shirika la Msalaba Mwekundu pamoja na Wadau mbalimbali wa Kiwanja waliweza kufika mara moja eneo la tukio kwa ajili ya uokozi  huku baadhi ya abiria walipoteza fahamu, majeruhi  waliweza kupata msaada wa haraka kwa kupatiwa huduma ya kwanza na kupelekwa hospitali mbalimbali katika Jiji la Dar es Salaam kwa matibabu zaidi.


Kamishna Msaidizi na Kaimu Kamanda wa Polisi Viwanja vya Ndege Tanzania, Said Ramadhani Kitanto amesema hilo lilikuwa zoezi maalum la utayari kuona kiwanja cha JNIA kiko tayari kiasi gani katika kukabiliana na majanga na dharura.


Hata hivyo, Mkurugenzi wa kiwanja hicho Bi. Bertha Bakwa amesema, zoezi hilo ni juhudi za kuimarisha usalama kwa kukabiliana na majanga na limefanyika kwa mujibu wa taratibu na miongozo ya Shirika la Kimataifa la Usafiri wa Anga (ICAO) pamoja na miongozo ya Shirika la Usafiri wa Anga Tanzania (TCAA).


Pia ameendelea kusema kuwa ikumbukwe kiwanja cha JNIA ni kinara katika Viwanja Afrika kwani kiliweza kupata tuzo ya Usalama iliyotolewa na Baraza la Viwanja vya Ndege Afrika (ACI) Septemba, 2024 hivyo ni wajibu wa Kiwanja kuonyesha kilichopatikana kinathibitishwa kwa umma kwa kuendelea kukifanyia majaribio


Comments

Post a Comment

Popular posts from this blog

BREAKING NEWS: MKURUGENZI WA TANESCO AFARIKI BUNDA KWA AJALI

Image
 Mkurugenzi Mtendaji wa Shirika la Umeme Tanzania (TANESCO) Mhandisi Gissima Nyamo-Hanga amefariki dunia kwenye ajali ya gari iliyotokea wilayani  Bunda Mkoa wa Mara. Meneja wa TANESCO Mkoa wa Mara, Nickson Babu amethibitisha taarifa hizo ambapo amesema Nyamo-Hanga amefariki dunia pamoja na dereva wake. Miili ya marehemu imehifadhiwa katika Hospitali Teule ya Wilaya ya Bunda. 
Read more

MIAKA 30 JELA NGUNO WA KWIMBA KWA KUMBAKA KIZIWI

Image
  Na Paschal D.Lucas,Mwanza Kutoka Mahakama ya Wilaya ya Kwimba mkoani Mwanza imemhukumu Malimo Mathias Nguno kwa jina maarufu Gohe (41), kifungo cha miaka 30 jela baada ya kumkuta na hatia ya kumbaka mtoto (13) mwenye ulemavu wa kusikia (kiziwi). Hukumu hiyo imesomwa leo Aprili 08, 2025 na Hakimu Mfawidhi wa Mahakama hiyo Ndeko Dastan Ndeko. Kwa mujibu wa hakimu Ndeko, mshtakiwa alitenda kosa hilo katika kesi hiyo ya jinai namba 2904/2025  kinyume na vifungu namba 130(1)(2)(e) na 131(1) vya Kanuni ya Adhabu Sura ya 16 marejeo ya mwaka 2022. “Baada ya kupitia vifungu vya sheria na kujiridhisha na ushahidi uliowasilishwa na upande wa Jamhuri ambao haukuacha shaka lolote na hivyo mahakama hii imekukuta na hatia ya kumbaka kigori (13) (jina limehifadhiwa),” amesema Hakimu huyo. Kwa mujibu wa hati ya mashtaka, mshatakiwa alitenda kosa hilo mnamo tarehe 04.01.2025, katika Kijiji cha Nyambuyi kilichopo ndani ya wilaya ya Kwimba mkoa wa Mwanza kwa mwathiriwa ambaye ana ulemavu wa kus...
Read more

TANZANIA YAISHUKURU ITALIA KUHUSU SGR

Image
  Na Paschal D.Lucas Serikali ya Tanzania kupitia Waziri wa Fedha Dkt. Mwigulu Lameck Nchemba, ameishukuru Italia kwa kutoa dhamana ya mkopo wa kujenga Reli ya Kisasa (SGR), kipande cha Kwanza na cha pili kuanzia Dar es Salaam, Morogoro, Dodoma hadi Makutupora, ambavyo ujenzi wake umekamilika na Treni kuanza kutoa huduma kuanzia Dar es Salaam hadi Dodoma.  Katika Picha hiyo ya hapo chini ni Waziri wa Fedha Mhe.Mwigulu Nchemba akiwa na Mkurugenzi Mtendaji wa Shirika la Bima la Italia (SACE) Bi. Alessandra Ricci, Mjini Rome Italia.
Read more